بلوچ اسٹوڈنٹس ایکشن کمیٹی لورالائی ھنکین ءِ ھنکینی لس دیوان اڈ دیگ بوتگ۔آسودی بلوچ ھنکینی کارمستر ءُ مھبوب بلوچ ھنکینی کارگشاد گچین کنگ بوتگ اَنت۔
بلوچ اسٹوڈنٹس ایکشن کمیٹی لورالائی ھنکین ءِ ھنکینی لس دیوان ھنکینی آرگنائزر آسودی بلوچ ءِ سروکی ءَ اڈ دیگ بوتگ۔ دیوان ءَ بُنجاہی مزن کارگشاد اظہر بلوچ بطورمہمان ءِ ھاس سانڑی بوتگ۔ دیوان ءَ بُنجاہی سرکیولر، گوستگیں ھنکینی اھوال، تنقیدی نشست، تنظیمی امور، ھندی ءُ میان اُستمانی سیاسی جاورھال ءِ بنگپانی سرا دلجمی ءَ گوں گپ ءُ تران ءَ پد آوکیں کامگیج ءَ ھنکینی آرگنائزنگ باڈی ھلاس کنگ بوتگ ءُ نوکیں ھنکینی کابینہ ٹہینگ بوتگ۔
دیوان ءِ کُلیں بُنگپانی سرا دلجمی ءَ گوں گپ ءُ تران ءَ پد آوکیں گامگیج ءَھنکینی آرگنائزنگ باڈی ھلاس کنگ بوتگ ءُ نوکیں ھنکینی کابینہ جوڈ کنگ بوتگ۔ نوکیں ہنکینی کابینہ ءَ آسودی بلوچ ھنکینی کارمستر، ابرار بلوچ ھنکینی کمک کارمستر، مھبوب بلوچ ھنکینی کارگشاد، عامر بلوچ ھنکینی کمک کارگشاد ءُ عدنان بلوچ ھنکینی ھالرسانی کارگشاد گچین کنگ بوتگ اَنت۔ بُنجاہی مزن کارگشاد ءَ نوک گچین بوتگ ایں کابینہ سوگند داتگ ءُ نوک گچیں بوتگیں سنگتاں وتی زمہ واریانی سرجم کنگ ءِ پیمان کُتگ۔
دیمترا سنگتاں تران کنان ءَ گوشتگ کہ لورالائی ھنکین ءِ جوڈ بوئگ ءَ کسانیں مدتے بوتگ بلے سنگتانی مستقل مزاجی ءُ کار کنگ ءِ ھب ءِ برورد اِنت کہ اے کسانیں مدت ءِ تہ ءَ ساک ءَ وتی اسٹرکچر لورالائی ءِ تہءَ مھکم کُرتگ ءُ مزنیں کچے ءَ بلوچ نودربر مرشی بساک ءِ بہر اِنت۔ لورالائی ھما جاہ اِنت کہ ادءَ بازیں وانگی ادارہ موجود اَنت ءُ بلوچ نودربر مزنیں کچےءَ اے ادارہاں وانگءَ اَنت بلے مھکم ایں نودربر گل نہ بوئگ ءِ سوب ءَ گیشتر نودربر چہ بلوچ سیاست ءَ زبہر بوتگ اَنت۔ ایشی ءَ ابید لورالائی ءَ بلوچ لس مھلوک ھاس کوہ سلیمانءِ دمگانی مزنیں کچے ءَ مڑدم جاہ مننِد اَنت۔ لورالائی وڑیں جاہےءَ گل ءِ فعال بوئگ ءُ بلوچ نودربرانی ہوار بوگ گل ءِسوبمندی اِنت۔ گل لورالائی تہءَ وانوک ایں بلوچ نودربرانی سیاسی، علمی، ءُ پِگری ھیلکاری ءِ واستہ وتی سرجمیں وس ءُ واک ءَ کارمرز کنت۔ امیت اِنت کہ بلوچ نودربر اے کاروان ءِ بہر بنت ءُ یک سیاسی ءُ علمی چاگرد ےءِ جوڈ کنگ ءِ جہد کن اَنت۔
دیوان ءَ سنگتاں گپ ءُ تران کنان ءَ گوشتگ کہ بلوچ سیاست ءِ اولی بُنشت نودربر سیاست اِنت۔ بلوچ ءِ ھمک نودربر وتار ءَ گوں نودربر سیاست ءَ ھمگرنچ بہ کنت چیا کہ بلوچ سماج انچیں جاورھالانی تہا سپر کنگ اِنت کہ اے جاورھالانی دیمپان بوئگءِ واستہ مھکم ایں ءُ تکڑائیں ورنا راج ءِ زرورت اَنت۔ وھدیکہ بلوچ نودربر منظم ایں دروشم ءَ سیاسی ادارہانی بہر بنت ءُ نودربر سیاست ءَ گوں وتارءَ ھمگرنچ کن اَنت گُڈا بلوچ سماج ءِ واستہ سیاسی کیڈرز پیداک بنت ءُ دیمترا ہمے ورنا بلوچ راجی جُنز ءِ واستہ وتی سرجمیں بودشتاں کارمرز کن اَنت۔ مرشی بساک بلوچستان ءِ مستریں نودبر گل ءِ بستار ءَ زمین ءِ کُنڈ کُنڈاں بلوچ نودربرانی واستہ یک مھکمیں سیاسی پتریے ءِ دروشم ءَ جہد کنگ اِنت ءُ نودربرانی سیاسی باسمائی ءِ واستہ وتی سرجمیں طاقت ءَ دیگ اِنت گُڈا بلوچ نودربرانی سرا ھم فرض بیت کہ آں وتءَ چہ زاتی سیت ءُ پائیدگاں بہ کشّ اَنت ءُ بساک ءِ پترا گوں ھمگرنچ بہ بنت ءُ باقائدہ نودربر سیاست ءِ بہر جوڈ بہ بنت۔
بنجاہی جارکش بلوچ اسٹوڈنٹس ایکشن کمیٹی
