بلوچ اسٹوڈنٹس ایکشن کمیٹی خضدار ہنکین نا پارہ غان مُسہ دے کتاب مُچی اس ”بلوچستان کتاب کاروان“ نا پِن ئٹ اڈ تننگا۔
بلوچ اسٹوڈنٹس ایکشن کمیٹی خضدار ہنکین نا پارہ غان مُسہ دے ئی کتاب مُچی ”بلوچستان کتاب کاروان“ نا پن ئٹ اڈ تننگا۔ اولیکو دے 11 اکتوبر 2023 آ ایس بی کے سب کیمپس خضدار ئٹ، ارٹمیکو دے 12 اکتوبر 2023 آ پبلک لائبریری خضدار نا مونا و ایسری دے یعنی 13 اکتوبر 2023 آ یو ای ٹی خضدار ئٹ اڈ تننگا۔
مُسہ دے ئی کتاب مُچی ئٹ گل ئنا تاک ”نوشت“، چنا تا تاک ”گام“ و کتابچہ ”بلوچ لٹریسی کیمپئن“ و ایلو سرحال دیہاڑ، سیاست، ادب و راج دوستی آ تالان کتاب آک ساڑی ئسر، داکان بیدس بلوچی و براہوئی بولی ٹی ہم بھاز آ کتاب آک ساڑی ئسر ہرافتیٹ بلوچی بولی نا پِنی آ شاعر مبارک قاضی نا کتاب ”گِس ءَ واتر کنگ لوٹ آں“ و ”شکّلیں جورانی برورد“ اوار ئس۔
کتاب مُچی تیٹ تیوہ غا خضدار آن کتاب دوست بندغ شاعر، نوشتکار، استاد، خوانندہ و زالبول آک بریسہ دا گام ئنا ستا ءِ کریر و تینا اُست پسند آ سرحال آتیا تالان کتاب ہلیسہ خواننگ تون تینا اُست خواہی نا درشانی کریر۔
”بلوچستان کتاب کاروان“ بلوچ ورنا تے جتا سرحال آتیا تالان لٹریچر فراوان کیک و دا کاروان نا مسخت بلوچ ورنا تیٹی راج دوستی، ادبی، سیاسی و نغدکاری سوچ ءِ ودفنگ نا ءِ۔ بساک تینا دا کاروان ءِ بروک آ وخت ئٹ ہم برجاء تخو تانکہ کتابی کاروان نا وسیلہ ئٹ اسہ پوسکنو چاگڑد اس خننگ کن رسینگے۔
بلوچ اسٹوڈنٹس ایکشن کمیٹی
