بلوچ اسٹوڈنٹس ایکشن کمیٹی تربت ھنکین ءِ نیمگ ءَ یک مزنیں ھیلکاری دیوان ءِ ھنکینی کمک کارمستر نگرہ بلوچ ءِ سروکی ءَ برجم دارگ بوت، دیوان ءِ مھمان ءِ ھاس بنجاھی کماش شبیر بلوچ ات،
دیوان یو او ٹی بنزہ ءِ بیران بوتگیں باسک سنگت آمر لطیف نام ءَ ندر بوتگ۔ دیوان ءِ سرھال عبداللہ اوکلان ءِ سیاسی لیکہ ءُ کُرد راجی جیڑہ اَت ترانکار بنُجاھی کماش شبیر بلوچ ات ۔
بُنجاھی کماش ءَ سرھال ءِ سرا تران کناں ءَ گُشت کہ کُرد ءِ تاریخ ءِ ھوالہ جتائیں نبشتکاراں وتی ھیال درشان کُتگ آں. ایشانی تہا بازیں کبرہ گیرآں ھم کُرد ءَ را جتائیں جاگہاں چہ آتکگیں مردم پدر کنگ ءِ جُُہد کُتگ. عربانی گُشگ اِنت کہ کُرد چہ یمن ءَ اتکگیں ایں مھلوکے ءُ ایشانی سیادی گوں عرب راج ءَ بندوک اِنت. ھمے وڈ تُرکی گُشیت کہ اے تُرکی ءِ کوہی دمگانی نشتگیں مھلوکے ءُ اے تُرک آں ءُ رندا آتکگ ءُ شہرآں آباد بوتگ آں بلے کُرد نہ آں. سیمی ایران ھمے گپ ءَ گُشیت کہ کُرداناں جتائیں شناخت نیست بلکہ اے ایرانی قوم ءِ بھر اَنت. بلے تاریخ گُشیت کہ کُرد سئے ھزار سال کردستان جاھمند اَنت ءُ کردستان ایشانی زمین اِنت. مرچی سئے کروڈ ءُ پنجاھ لک کُردانی آبادی اِنت ءُ اے جتائیں مُلکانی تہا بھر ءُ بانگ اَنت.
دیمتر ءَ کماش ءَ کُردانی نوآبادیاتی تاگتانی گوم ءَ گہگیری ءِ تاریخ سرا تران کناں دیوان ءَ دیم ءَ بران ءَ گُشت کہ تاریخ زانتانی گُشگ اِنت کہ کُردان الیگزینڈر دی گریٹ ءِ گوم ءَ جنگ کُتگ ءُ وتی سر زمین رکینتگ. دوھمی نیمگ ءَ عرب یک قوم پرست گروپ ءِ کیت ءُ اسلام ءِ نامے سرا ایشاں کبزہ کنت گڈاں اے ھمیشانی ھلاپ ءَ جنگ کنان. فارس، منگول ءُ رومن امپائر ءِ ھلاپ ءَ ھم ایشان گہگیری کُتگ.
کُرد راجدوستی ءِ اپروچ سرا ترانکار ءَ تران کناں گُشت کہ مارا چوناہا سیاسی ورکرآنی اسٹڈی ءِ تہا دو اپروچ ءِ ھیال کنگی اِنت . یکے پری مورڈئیل ءُ موڈرن اپروچ آں. بلے کُرد ءِ ھوال ءَ گُشگ بیت کہ اے وڈ نہ ایں. آیانی ھوال ءَ گشگ بیت کہ کُرد Alternative Nationalism ءِ دعوہ ءَ کناں. شانزدھمی کرن ءَ ایشانی تہا نیشنلزم ءِ مارشت ودی بیت. ایشی درور یک مردمے ءِ سپرنامہ ءِ توک ءَ گِندگ ءَ کیت. 1908 ءَ اوٹومن امپائر ءِ توک ءَ یک موڈرن نیشلزم ءِ چست بیت گڈان کُردش نیشنلزم ءَ را ھموداں چہ مردم ٹریس کنان. اردے دنیا مورڈنزم ءِ نیمگ ءَ روگ ءَ بیت گڈان 1912 ءِ زمانگ ءَ کُرد Hope Society ءِ نامے سرا یک کسانیں تعلیمی ادارہ ءِ جوڈ کن اَنت ءُ وانگ ءُ زانگ ءِ سرا کار کنگ بندات کناں. وھدے کہ اوٹومن امپائر کہ پروش وارت گڑاں مِڈل ایسٹ ءِ میپ بدل بیت گڈان تاکتور ایں استان یک alliance ءِ جوڈ کناں. ایشی توک ءِ یک Agreement e بیت.آئی ءِ توک ءَ اے گشگ بیت کہ کُرد ءَ را جتائیں زمینے دئیگی نہ اِنت. اے معائدہ ءِ توکا کُرد ءِ کومی سوال سرجم ھلاس کنگ بیت. بلے امریکہ ءِ سدر ولسن گشیت کہ من کرد ءِ کومی ریاست ءِ جوڈ کنگ ئے ھق ءَ اوں. وھدے کہ اوٹومن امپائر پروش وارت گڈاں نوک نوک ایں استان جوڈ بیاں بنت ءُ پرانس ءُ برتانیہ وتی منشہ ءِ بنیات ءَ ریاستانی سیمسراں جوڈ کناں. گڑاں ہمے زمانگ ءَ کُردستان چار ملکانی توک ءَ بھر ءُ بانگ بیت. آ چاریں ریاست ترکی، ایران، شام ءُ عراق آں. ترک ءِ نیشنلسٹ لیڈر کمال اتاترک ھجبر کردانی ریاست ءِ لوٹ ءِ حق ءَ نہ بیت ءُ آئی ءِ لوٹ بیت کہ کرد ترکی ءِ کبزہ ءِ توک ءَ بہ باں۔ 1925 ءَ کردستان ءِ نام باقاعدہ ھلاس کنگ بیت. ترکی ءِ تاگت گیش بوان بیت ءُ ترکی کردستان ءِ سیمسراں ھلاس کنت.
کماش ءَ کردانی مزاھمتی گہگیری سرا چمشانک دیان ءَ گُشت کہ اردے کہ 1925 ءَ باقاعدہ کردستان ءِ نام ھلاس کنگ بیت گڑا کردانی اولی مزاھمت ءَ چہ دا چہ بندات بیت.
دوھمی مزاھمتی فیز 1930 ءَ بندات بیت ءُ سئیمی 1937 ءَ کرد دگہ یک جنگ ءِ بندات کناں. اے مزاھمتی جنگانی سروک قبائلی ءُ مزہبی بنت ءُ اے مرچیگیں کرد ءِ مزاھمت ءِ شکل ءَ نہ بنت. رندا کسان کسانیں جُنز ھم دیم ءَ کیت بلے آ دیمتِرا زوت ھلاس بنت. 1937 ءَ کہ سیمی جُنز ھلاس بیت. پدا 1937 ءَ تان 1978 ءَ تک اے دور Silent period ءِ نام ءِ سرا زانگ بیت. اے زمانگ ءَ ترکی کُردانی ھلاپ ءَ بمباری کنت ءُ پنچ ھزار ءَ چہ گیش کرد جنگ بیت ءُ ایشانی یک سروک ءِ پانسی دئیگ بیت. ھمے ٹیمب ءَ ترکی Program of modernization and economic development ءِ نام ءِ سرا یک پروگرام ءِ لانچ کنت ءُ یک اکنامک ڈیولپمنٹ ءِ کار ایت ءُ ایشی مدد ءَ کرد تحریک ءَ ھلاس کنگ ءِ جھد ءَ کنت.
چارمی جُنز ءِ توک ءَ کرد مزنین کچے ءَ اے جنگ ءِ توک ءَ بھر زور اَنت ءُ ایشانی توک ءَ زالبول ھم جنگ ءِ حصہ بنت. علی بالسی نام ایں مرد ءِ وتی یک نبشتانک ءِ توک ءَ گشیت چارمی فیز ءِ توک ءَ اولی رند ءَ کرد یک پارٹی ءِ نیمگ ءَ شُتگ آں. چارمی فیز ءِ توک ءَ کرد کردستان ورکرز پارٹی PKK جوڈ کنگ بیت. 1978 ءَ ابداللہ اوجلان ءِ سربراہی ءَ PKK جوڈ کنگ بیت. اے پارٹی ءِ بنیاد مارکسسٹ، لیننسٹ ءُ کرد کومی سوال ءِ بنیات ءَ جوڈ کنگ بیت. اے پارٹی ءِ مکسد کردستان ءِ آزادی بیت ءُ اے ترکی ءِ ھلاپ ءَ مزاھمت کنگ بندات کنت. اے پارٹی ءِ جوڈ بئیگ ءَ دو سال باد ترکی 1980 ءَ یک مزنیں پوجی آپریشن ءِ کنت ءُ کرد ءِ لس مھلوک ءَ را سکین مزنیں تاوانے ءِ دیمپان کنت ءُ کرد ءِ دود ءُ ربیدگ ءِ سرا ھم پابندی جّنگ بیت. ھمے زمانگ ءَ ترکی کُردانی ھلاپ ءَ Village Guard Force ءِ نام ءِ سرا یک کشندہ ٹولی ءِ جوڈ کنت. ھنچو کہ اے مئے کرا ڈیتھ اسکواڈ نام ءَ زانگ بنت. ترکی اے ٹولی ءَ را یک ٹاسک ءِ دنت. آیانی کار سیاسی باسکانی پروفائیلنگ کنگ، آزادی پسندانی نشاندہی کنگ ءُ علاقائی سطح ءَ دلاری کنگ بیت. اے ٹولی کردستان ءِ توک ءَ مزنین تباہی ءِ کار ایت. ھمدا چہ PKK مسلح جدوجہد ءِ نیمگ ءَ روت ءُ اولی رند ءَ ترکی ءِ یک پوجی بُنجل ءِ سرا ارشے کن اَنت ءُ اودا 23 ترک پوجی جنّگ بیت. 1991 ءَ عبداللہ اوجلان یک دگہ پارٹی ءِ People’s Labour Party ءِ نام ءِ سرا جوڈ کنت. اے پارٹی ءِ ممبر ترکش پارلیمنٹ ءِ توکہ ءَ دیم دئیگ بیت ءُ اودا الیکشن بان ءُ ایشان ءَ 22 سیٹ پارلیمنٹ ءِ تہا رسیت۔ پارلیمانی سیاست ءِ بنیاد ءَ اے وتی تحریک ءَ را دنیا ءِ دیم ءَ سر کنگ لوٹ آں. بلے رندا زوت ترکی ءَ را سما کپیت ءُ ترکی ایشانا جَنت ءُ پارلیمنٹ ڈسولو کنگ بیت. 1993 ءَ اوکلان جنگ بندی ءِ اعلان ءَ کنت. ھمے وھدا ترکی ءِ اوزیل نامیں سر وزیرے بیت ءُ کردانی مسلہ ءِ ھوال ءَ سیاسی توجیل ءِ ھق ءَ بیت بلے مزاکرات ءَ چہ پیسر سر وزیر اوزیل ءَ ترکی وت جنت پرچاکہ ترکی نہ لوٹیت کہ کرد ءِ قومی سوال ءَ دیم ءَ بیت.
کرد تحریک ءِ سرا نگد بوتگیں نگدانی سرا تران کناں ءَ کماش گُشت کہ دیمترا کردانی توک ءَ یک خانہ جنگی ءِ ودی بیت. عبداللہ اوکلان گشیت کہ اے خانہ جنگی ءِ سبب اے بوتگ کہ مئے کرا دگہ 9 پارٹی اَنت کہ آ تھنا نیشنلزم ءِ نام ءِ سرا مھلوک ءَ را وتی بھر کنگ ءَ آں بلے آیانی کرا ھچ پروگرام نیست. اے قومی تحریک ءِ واستا مزنیں نُکس ئے۔ . PKK اے 9 ایں گل آں وتی واستا یک چیلنجے پوھ بیت. PKK گشیت کہ اے پارٹیانی کرا پروگرام نہ بئیگ ءِ سوب لس مھلوک سیاست ءَ چہ گستا بئیگ ءَ اِنت.
دیمترا PKK سما کنت کہ وتمان وتی ءِ جنگ مئے تاگتارا منتشر کنگ ءَ اِنت گڈان اے پدا یک جاگہ باں ءُ ھمرائی ءَ وتی کاران جُنزیں آں. 1990 ءَ رند ترکی یک برے پدا ھم کردانی سرا یک کریک ڈاؤن ءِ کنت ءُ ھزارانی کد ءَ کُرد جنگ بنت گڈان PKK ءِ لیڈرشپ وتی پجار ءِ رکینگ ءِ ھاترا شام ءَ روت. وھدے کہ PKK ءِ لیڈرشپ ءُ PKK ءِ جنگجو کردستان ءَ یل کناں گڑاں Village Guard Force کردستان ءَ وتی کنٹرول ءَ کنت. شام ءَ کہ اے رواں گڑاں پلستینی مزاھمتی نتظیم PLO ءِ گوما نزدیکی بنت اَنت ءُ مشترکہ ٹریننگ ھم بیت.
ترانکار ءَ عبداللہ اوجلان زند ءِ سرا ٹوک کناں گُشت کہ عبداللہ اوجلان 1949 ءَ پیداک بوتگ . اوجلان چہ بندات ءَ شولزم، مارکسسزم ءُ لیننزم ءِ منوکے بیتگ ءُ ایشاناں شوکیں وڈے ءَ وانتگ اے. ھمے وھد ءَ کہ ترکی ءِ توک ءَ لفٹسٹ رفارمسٹ تحریک ” Revolutionary Culture and East Land” ءِ نامے سرا جُنز ے جُنزایت ءُ اے ایشی بھر جوڈ بیت. ھمدان اوکلان دو سال بند کنگ بیت. دیماتِرا 1978 ءَ اکلان گوں چیزے سنگتانی گوما PKK ءَ جوڈ کنت ءُ 1979 ءِ زمانگ ءَ شام ءَ روت ءُ جنگ ءِ تیاری ءَ بندات کنت.پنچ سالانی تیاری ءَ پد 1974 ءَ PKK وتی اولی اُرش ءَ ترکی ءِ پوج ءِ ھلاپ ءَ کنت کہ اودا 24 پوجی کُشگ بیت.
گُشگ بیت کہ سویت یونین ءِ پروشگ ءَ پد اوکلان ءِ توک ءَ یک پولیٹیکل شفٹنگے کیت ءُ اوکلان سوشلسٹ استان ءِ جاگہ ءَ سوشلسٹ ڈیموکریسی ءِ لوٹ ءَ کنت ءُ گشیت کہ مارا ترکی ءِ توک ءَ وتواجھی دئیگ بہ بیت.
بزاں کہ ما کومی ریاست نہ لوٹ ایں بس مارا ترکی ءِ توک ءَ جمعوری خودمختاری دئیگ بہ بیت. دیمتِرا اوکلان ءِ سرا نگد بیت کہ اوکلان ءَ بیس سال اِنت کہ پارٹی ءِ وتی کبزہ ءَ ئے کُتگ باقاعدہ اوکلان ءَ ڈکٹیٹر ءِ نام دئیگ بیت بلے اوکلان گشیت کہ من ڈکٹیٹر ءِ نہ آں منی مکسد پارٹی ءَ را یک منزلے ءَ سر کنگ اِنت.
1999 ءَ اوکلان کینیا ءَ چہ دزگیر کنگ بیت. اوکلان ءِ دزگیری ءَ بین الاقوامی ایجنسیی ھانی دست ھم مان بیت. اوکلان کہ دزگیر کنگ بیت گڑاں پارٹی وتی واستا دگہ چیرمین دیما نیار ایت ءُ جِیل ءَ بندی ءَ ابید ھم اوکلان مروچی ءَ تک PKK ءِ چیرمین اِنت. اوکلان مرچی ءَ تک وتی نظریہ ءَ چہ زبھر نہ اِنت ءُ انگت آئی ءِ توک ءَ راجی مارشت ھست. اوکلان ءِ دزگیری ءَ پد اوکلان جنگ بندی ءِ جار ءَ جنت ءُ PKK ایشی اے جار ءِ منوک بیت. PKK ءِ مسترایں گلتی ھمیش بیت. 2002 ءَ PKK ءِ لیڈرشپ اوکلان ءِ آڈر ءِ سوب ءَ جنگ ءَ چہ پد کنزی ءُ جنگجو تُپنگ ءَ دور دیاں ءُ کایاں. ترکی دروستاں گیت ءُ آزار جاھاں بند کنت. گڑاں پدا PKK ءِ ھیال مٹ بیت ءُ PKK وتی جنگ ءَ بندات کنت تاکہ روچ مروچی اے جنگ برجاھ اِنت. 2004 ءَ یک برے پدا کسان ایں جنگ بندی ءِ بیت ءُ PKK یک ڈمانڈ ءِ دیم ءَ ایر کنت کہ ما تشدد ءِ واستا جنگ کنگ ءَ نہ آں ما وتی دفاع ءِ واستا جنگ کنگاایں. PKK مرچی ءَ تک وتا تشدد پرست ایں گلے نہ لیک ایت بلکہ وتا یک ڈفینس موومنٹ ءِ نام ءَ توار کنت ءُ دنیا ھمے وجہ ءَ PKK ءِ ھمایتی اِنت. 2015 ءَ ترکی مزہبی شدت پسند گل ISIS ءَ کردانی ھلاپ ءَ کارمرز کنت ءُ 32 کرد اوُدا شھید کنگ بیت۔ اے سوب ءَ ھرچی کہ جنگ بندی بوتگ آں آ ھلاس کنگ بنت ءُ اے جنگ مرچی ءَ تک جُنزگ ءَ اِنت.
عبداللہ اوکلان 2005 ءَ Kurdish Question ءِ نام ءِ سرا جیل ءِ توک ءَ یک کتابے نبشتہ کنت ءُ آئی ءِ توک ءَ Democratic confortralism ءِ لیکہ ءَ دیما کاریت. اے لیکہ ءِ فاؤنڈر اوکلان زانگ بیت. اوکلان وتی نبشتہ ءِ توک ءَ چار چیز ءِ سرا ھبر کنت ءُ گشیت کہ چاگرد چار سیکلےCycle تہا کید اِنت اولی مزہب ءُ جنسی گلامی، دوھمی نظریاتی گلامی، سیمی مالی گلامی ءُ چارمی تاگت ءِ گلامی اِنت. زالبول ءِ ھقانی ھوال ءَ اوکلان ءَ را شوک ایں لیکہ ءِ گوں بیت. یک رندے گشیت کہ ما زمین ءَ را مادر وطن گُشین بلے چاگرد ءِ توک ءَ زالبولاں انگت ازت نہ دئیں. اوکلان ءَ ترکی پانسی سزا دئیگ ءِ فیسلہ کنت بلے رندا بین الاقوامی تنظیم اوکلان ءِ پانسی ھلاپ پاد کاینت فیسلہ ءَ رد کناں ءُ اوکلان زند جیل کنگ بیت ءُ روچ مروچی ہم ترکی ءِ جیلاں عمر قید ءِ سزا ءَ اِنت.
اوکلان ءِ گِرگ ءَ پد ھم PKK وتی سیاسی تاگت ءَ ھنچو مُھکم کنت کہ آ ISIS ءِ ھلاپ ءَ جنگ کنت ءُ Rajava ءَ واپس وتی کنٹرول ءَ کنت کہ آ پیسرا ISIS ءِ کنٹرول ءَ بیت. دیمترا PKK زالبُولانی تربیت ءِ ھاترا تربیتی کورس اڈ دنت ءُ 2012 ءَ زالبولانی یک جتائیں ٹولہ ءِ جوڈ کنت. Rajava ءِ واستا جنگ کنگ ءِ ایشانی سکین مزنیں کردارے بیت. اے جاگہ مرچی ءَ تک PKK ءِ کنٹرول ءَ اِنت. زالبُولانی جنگ ءِ توک ءَ بھر زورگ ءِ سوب ءَ جینڈر ڈسکریمینیشن ھلاس کنگ بیت.
