چہ بساک ءِ نیمگ ءَ اولی رند ءَ بلوچی زُبان ءَ کمپیوٹر ءِ سر ءَ کتابے “ کمپیوٹر ءِ پجار” ءِ نام ءَ چاپ ءُ شِنگ کنگ بیگ ءَ اِنت۔
چہ بلوچ اسٹوڈنٹس ایکشن کمیٹی ءِ نیمگ ءَ اولی رند ءَ بلوچی زُبان ءَ کمپیوٹر ءِ سر ءَ کتابے “ کمپیوٹر ءِ پجار” ءِ نام ءَ چاپ ءُ شِنگ کنگ بیگ ءَ اِنت۔ گل ءِ بنجاہی جارکش ءَ رسانکدر ءَ درشانے ءَ گوشتگ کہ مئے پہ نوکتریں لبزانک ءُ وتی زباناں نبشتہ کنگ ءُ دیمروئی دیگ ءِ جہد برجاہ اِنت۔ ہمے پیم گام ءِ درْچ ءَ برجاہ داران ءَ پہ بلوچ زھگ ءُ ورنایاں نوکیں کتاب “ کمپیوٹر ءِ پجار” نبشتہ کنگ بیتگ کہ نوکیں سال ءِ بندات ءَ شِنگ کنگ بیت ءُ شمارا ماں بساک ءِ کتاب میڑہاں دست کپ ایت۔
جارکش ءَ دیمتر ءَ گوشتگ کہ ما سرپد بیں کہ اے رژنائیں دور ءُ باریگ ءَ زانشت ھما وسیلہ اِنت کہ نہ تھنا مارا وتی چاگرد ءُ ہستانک ءِ پہمگ ءَ کمک کنت بلکیں مئے راجی دیمروئی ءِ مانزمان بیت۔ ءُ اے درگت ءَ مارا استیں وھد ءِ لوٹانی بُنیات ءَ نہ تھنا جتائیں پڑ وانگ ءُ زانگی اَنت بلکیں اے درگت ءَ وتی زبان ءَ شوکیں لبزانک ھم پیداک کنگی اِنت، دانکہ مئے آؤکیں پدریچ چریشی ءَ نپ زُرت بہ کنت۔ گام سیریز ءِ نیمگ ءَ “کمیپوٹر ءِ پجار” ھمے درگت ءَ مئے کسانیں کوشستے۔
بنجاہی جارکش بلوچ اسٹوڈنٹس ایکشن کمیٹی
