بلوچ اسٹوڈنٹس ایکشن کمیٹی
بلوچ اسٹوڈنٹس ایکشن کمیٹی ڈیرہ غازی خان ہنکین ءِ ہنکینی لس دیوان ہنکینی کمک کارمستر سنگت شکیل بلوچ ءِ سروکی ءَ اڈ دیغ بیسہ۔ دیوان ءِ مہمانء ھاس بُنجاہی سنگت جعفر بلوچ ءُ علی بلوچ بیسغاں۔
دیوان ءَ بُنجاہی سرکیولر، ہنکینی احوال، نگدی نشست، گل کاری، ہندی ءُ میان اُستمانی سیاسی جاور ھال ءِ بنگپانی سر ءَ دلجمی ءَ تران ءَ شہ پز آوخیں گامگیج ءَ پیشی کابینہ آسر کنغ بیسہ ءُ نوخیں ہنکینی کابینہ ءَ پہ سنگت گشین کنغ بیسغاں۔
سری ئیں ٹِک بُنجاہی سرکیولر ءَ بُنجاہی سنگتاں دیوان ءَ بُنجاہی سرکیولر پڑھ اِثغ ئی ءِ تہ ءَ تیوغیں بُنجاہی لس مجلس ءِ احوال ءَ گوں ہوار بُنجاہی فیسلہ دے دیوان ءِ دیما ایر کنغ بیسغاں۔ سرکیولر ءِ چکا تران ءَ شہ پد اے سرحال بند کنغ بیسہ ءُ اَگی ہنکینی احوال ءِ بنگپ بوژغ بیسہ۔سیمی بنگپ ہنکینی احوال ءَ کہ ڈیرو ہنکین ءِ احوال پڑ اِث ءِ آنہی تہ ءَ ہنکینی ہیلکاری دیوان، لبزانک، گلکاری ءُ ایندگہ کار ہوار اِث آں۔ سنگتانی دلجمیں گپ ءُ جست ءُ پُرس شہ پز اے ٹِک بند کنغ بیسہ۔ دیمتر ءَ نگدی نشست ءِ بہر ءَ سنگتاں ہنکینی کارانی سرا دلجمی ءَ وثی نگد ایر کُثغاں۔ سنگتاں تران کناں ءَ گشتگ کہ نگد وث مں وث یک سیاسی عمل ءِ ءُ نگد یک گل ئے ءَ مہکم ءُ منظم کنغ ءِ چابی ایں ۔ اے ٹئوک ءَ ہچ شک نیستیں کہ نگد ءِ جند یک مزنیں سیاسی، آشوبی ءُ سائنسی عمل ءِ۔ سنگتاں دیما گشتگ کہ نگدءُ تنز ءَ مں مزنیں فرک ءِ بیث۔ اگاں نگد اصلاح ءُ گیشتر جوانی ءِ واستہ پہ کنغ بیث۔
دیمی گل کاری ءِ بنگپ ءِ چکا دیوان ءِ سنگتاں وثی شور ءُ سلاہ داثغاں ءُ آوخیں ہنکینی کارانی جوانی واستہ پہ وثی سلاہ ءُ مشورہ دیوان ءِ سنگتانی دیما ایر کثغاں۔ دیوان ءَ سانڑی بُنجاہی سنگتاں ٹئوک کناں ءَ گشتگ کہ ڈیرہ جات کہ بلوچستان ءَ چے کشگ بوتگے یک ہماں وڑیں خطہ یے کہ اوداں نیندوکیں گیشتر بلوچ مھلوک وتی پجار و بولی آن چے بے سما بوتگ انت۔ اے ہنکین ءَ نندوکیں وتی بلوچ مھلوک ءَ آھانی پجار ءُ راجی ڈُبہانی بابت ءَ سرپد کنگ ءِ زلورت اِنت ءُ جہد کنگی ایں کہ اے ہنکین ءَ چہ بلوچ راجی سیاست ءُ پجار ءِ زلورت و ارزشتاں گوں ہوار زبانانی بابت ءَ ہم سرپدی دیگ ءِ زلورت انت۔
ڈیرہ غازی خان ءِ وڑیں ہنکینانی غیر فعال بوگ یک مزنیں جیڑہ یے کہ ماں وتی بلوچ راج ءِ یک مزنیں بہرے چو یل داتگ ءُ جتا کرتگ۔ اے مئے سیاسی بدبہتی ءُ نزوری بیت کہ اگاں ما اے وڑیں ہنکیناں ڈالچار ءُ نزور بیگ ءِ بِلاں، ایشانی مہکمی ءُ گہتری ءَ ہچ مکن آں یاکہ انچیں جیڑہانی آماچ بہ باں کہ چہ آئی ءَ مئے سیاسی عمل اوشت ءِ آماچ بہ بیت۔ سنگتاں گڈ سر ءَ ڈی جی خان ھنکین ءِ گیشتر فعال کنگ ءُ علاقہ ءِ مھلوک ءَ گوں گیشتر نزیکی کنگ ءِ سر ءَ زور داتگ ءُ گشتگ کہ اے ہند ءِ آبادی چشکہ بلوچ ئیگ انت گڑا مارا وتی سیاسی پروگرام، تنظیم کاری ءَ ہوار لس مہلوک ءَ گوں ہوار بوگی ایں۔ مارا وتی سیاسی پروگرام ءُ سیاسی لوٹ مہلوک ءَ سر کنگ ءُ سرپد کنگی اَنت۔
کلیں سرھالانی سر ءَ گوں دلجمی ءَ گپ ءُ تران ءَ پد آؤکیں گامگیچ ءِ تہ ءَ پیشی کابینہ آسر کنغ بیسہ ءُ نوکیں کابینہ ءِ ھاتر ءَ ہنکینی کارمستر محمد خان بلوچ، ہنکینی کمک کارمستر شکیل بلوچ، کارگشاد لیاقت بلوچ، کمک کار گشادامام حسین بلوچ و ہنکین ھالرسانی کارگشاد زارو بلوچ گچین کنگ بیسغاں۔
نوک گچین بیسغیں سنگتاں ءَ بنجاہی سنگت سوغند داثہ ءُ دیوان کارمستر ءِ رزا ءَ گوں ھلاس کنغ بیسغ۔
بنجاہی جارکش: بلوچ اسٹوڈنٹس ایکشن کمیٹی
