لباچ آواران ءَ وانگجاہءَ زہگانی یک مراگشے اڈ دیگ بوتگ۔
بلوچ اسٹوڈنٹس ایکشن کمیٹی
بلوچ اسٹوڈنٹس ایکشن کمیٹی ءِ سنگتانی نیمگ ءَ آواران ءِ وانگجاہ ئےءَ گونڈوانی واستہ یک مراگشے برجم دارگ بیتگ۔ اے مراگش آواران لباچ ءِ میتگ سرفراز بازار ءِ وانگجاہ ئے ءَ ایر کنگ بیتگ کہ بنکی مکسد آواران ءِ تہ ءَ نودربراں وانگ ءُ زانگ ءِ نیمگ ءَ آرگ ءُ گل ءِ لبزانک گام ءِ وسیلہ ءَ آہاں وتی ماتی زباناں وانگ ءُ دربرگ ءِ سکین بیتگ۔ مراگش ءَ گونڈواں گام ءِ بابتءَ سرپدی دیگ بیتگ ءُ گونڈوانی تہ ءَ گام ہم بھر کنگ بیتگ۔
مراگش ءَ جتائیں وانگی بن گپانی سرءَ تران کنگ بیتگ ءُ مزنیں کچ ئے ءَ نودربراں بھر زرتگ۔ آواران ءِ وڈیں شھر ئے ءِ تہ ءَ گل ءِ مراگشے اڈ بیگ ءُ مزنیں کچ ئے ءَ نودربرانی بھر زورگ پہ گل ءَ یک مزنیں سوبمندی ئے۔
گل ءِ مستریں جھد ھمیش اِنت کہ ھما جاہاں کہ گل ءِ ھنکین نیست اَنت بلے اودءَ کسان ءُ مزنیں مراگش ءُ چیستءُ ایر کنگ بیت۔ گام ءُ بلوچ لٹریسی کیمپئن ءِ وسیلہ ءَمراگش برجم دارگ بیت ءُ نودربراں وتی راجی کردءِ تہ ءَ اوار کنگ ءِ جہد بیت۔
