بلوچستان کتاب کاروان ءِ کتاب میڑہ بالیچہ ءُ ڈیرہ مراد جمالی ءَ برجم دارگ بیتگ
بلوچ اسٹوڈنٹس ایکشن کمیٹی
گل ءِ نیمگءَ دو جتائیں جاہاں بالیچہ ءُ ڈیرہ مراد جمالی ءِ ھنداں کتاب میڑہ برجم دارگ بیتگ۔ اولی چہ نصیرآباد ھنکین ءِ نیمگءَ ڈیرہ مراد جمالی ءِ شاہ دربرجاہ ءَ دو روچی کتاب میڑہ ئے برجم دارگ بیتگ ءُ دومی چہ تربت ھنکین ءِ نیمگءَ بالیچہ ءَ مبارک قاضی ءِ یاتءَ مزن وانگجاہ ءَ برجاہیں مراگش ءَ یک روچی کتاب میڑ ئے برجم دارگ بیتگ۔ دوئیں کتاب میڑہ سوبمندی ءَ گوں آسر کنگ بیتگ اَنت۔
کتاب میڑہءَ بلوچستان، سیاست، بن دپتر، لبزانک ءُ ایدگہ بنگپانی سرءَ کتاب ایر کنگ بیتگ کہ ورنا، زہگ ءُ استاداں سیل کتگ ءُ پہ وت کتاب درچیتگ ءُ زرتگ۔ گل ءِ لبزانک گام ءُ نوْشت ہم ایر کنگءَ ھوار بلوچ لٹریسی کیمپئن ءِ کتابُک ہم ایر کتگ ءُ استاداں داتگ۔
بلوچستان کتاب کاروان ءِ نامءَ کتاب میڑہ ءِ کاروان برجاہ اِنت ءُ سرجمیں بلوچستان ءَ پہ بلوچ نودربر ءُ استاداں میڑہ اڈ دیگ بیت داں آ بوان اَنت ءُ آہانی زانشتی ہوالہ ءَ رُدوم بہ بیت ءُ دنیا ءِ لبزانک ءَ ھوار وتی جند ءِ لبزانک ءَ ونت بہ کن اَنت داں وتی جند ءَ پولیت بہ کن اَنت۔
